Planlegging av straumtilførsel
Dersom du skal byggje nytt hus, hytte eller næringsbygg er det viktig å planleggje tilførsel av straum på eit tidleg tidspunkt. For å få rett dimensjon på inntakskablar, trekkerøyr og jording, er det viktig å ta kontakt med både nettselskap og elektroinstallatør tidleg i planleggingsfasen. Grøfter for inntakskabel og jording er noko av det første ein må tenkje på.
Tilknytingsskap og byggjestraum
I bustad- og fritidsbygg skal det nyttast felles utvendig tilknytingsskap for straum og fiber. Det er her målaren skal monterast. Det er naturleg å bruke entreprenøren som er på staden til etablering av kabelgrøft fram til tilknytingsskapet. Nettselskapet leverer inntakskabel og koplar til denne. Det varierer om det er entreprenør eller nettselskap som legg sjølve kabelen. I tilfelle der det er praktisk gjennomførbart, koplar ein byggjestrømskapet til tilknytingsskapet. Sjå bestillingsskjema for byggjestrøm.
Ønsker du å knytte deg til straumnettet
Slik går du fram:
- Ta kontakt med oss for å avklare om det finst straumnett og ledig kapasitet i området der du skal byggje..
- Kostnaden for nødvendig etablering eller forsterking av straumnettet må dekkjast av deg som kunde. Denne kostnaden blir rekna ut etter gjeldande reglar for anleggsbidrag. Nettselskapet vil sende deg eit kostnadsoverslag før tilknytinga blir gjennomført.
- Du må kontakte ein godkjent installatør som skal utføre den elektriske installasjonen. Installatøren skal sende ein forhåndsmelding til oss før arbeidet startar. Denne meldinga skal innehalde viktig informasjon om deg som kunde og nødvendige data om installasjonen for at søknaden kan handsamast.
- Når installasjonsarbeidet er ferdig og klart for tilknyting, sender installatøren ein ferdigmelding til oss.
- Vi monterer målar, koplar til anlegget og sender faktura for tilknytinga.
- Du må velje ein straumleverandør. Om du ikkje gjer det, vil du automatisk få ein pliktleveranseavtale med nettselskapet. Desse avtalane er normalt dyre, så det løner seg å velje ein leverandør.